MIA – Meeqqat Inuusuttullu Angerlarsimaffiat

Ulloq unnuarlu angerlarsimaffik Nuummi inissisimasoq

Attavigisigut
Father and Child's Hands Together

Neqeroorutigut

Angerlarsimaffik toqqissisimasoq

MIA neqeroorutigaa angerlarsimaffik toqqissisimasoq, toqqissilluni ineriartorfiusinnaasoq inersimasunik piareersimasunik saaffissaqartuaannartoq.

Siunissamut piareersarneq

MIA neqeroorutigaa atuarfimmut suliffimmulluunniit paarsilluarsinnaanissamut aqqutissiuneq, kaammattuilluarnikkut siunnersuilluarnikkullu.

Kinaassutsimut immikkuullarissuseq

MIA kinaassutsimut immikkuullarissutsimut inissaqartitsineq pingaartitaraa, inuit tamatta assigiinngitsuunerput ataqqillugu.

Sammisassaqartitsineq

MIA neqeroorutigaa ullut tamaasa sammisassaqartitsineq timikkut tarnikkullu ineriartuutaasut.

Inuiaqatigiinnut peqataatitsineq

MIA neqeroorutigaa inuiaqatigiinnut peqataanissamut annertuumik sungiusarneq, inuaqatigiinni pisuni pikialaarfinnilu peqataajuarneq.

Akisussaaffimmik tigusineq

MIA neqeroorutigaa ineqartut inuunerminni akisussaaffimmik tigusinissaanut ilinniartissallugit aqqutissiuussinikkut iliuutsillu suugaluartut tamarmik nammineq akisussaaffimmik tigusinissamut sungiusarneqarneq.

Takorluugaq

MIA pinngortinneqarpoq takorluugaralugu inuk peqqissoq imminut tatigisoq imminullu naleqartittoq ineriartortikkusullugu, inuiaqatigiit iluanni inissaqarnerminut upperinnilerneq, namminerlu inuunermik iliuutsimillu akisussaaffimmik tigusinissamut ineriartorfiusisoq.

Anguniagaq

MIA-mi anguniarneqarpoq ineqartoq siunissami imminut napatissinnaasoq, qanorluunniit inuunera unamminartorsiorfiusimatigigaluarluni siunissaq ajunngitsumik anguniagaqarfigisinnaasoq takorluuisinnaalernissamut, tassani imminut tatiginera immminullu naleqartinnera qaffassarneratigut. Timi tarnilu ingiaqatigiinnerani toqqissiartorneq ineriartornerlu anguniarneqartarpoq pinngortitaq piorsarsimassuserlu atorluarlugu toqqissisimasumik sanarfilluarsimasumillu sinaakkutalimmik malitassaqartillugu.
Anguniakkat annersaat ilagaat Mia angerlarsimaffiussasoq toqqissisimaffiusoq, isumasssuilluarfiusoq meeqqamut inuusuttunullu ataasiakkaanut tulluarsarsimasoq, minnerunngitsumillu sulisunut toqqissisimasumik suliffiussalluni.

Kikkuuvugut?

Jakobine Motzfeldt

Pisortaq

E-Mail: jakku@mia.gl
Oqarasuaat: +299 38 30 61

Naduk Lange

Tullersorti

E-Mail: naduk@mia.gl
Oqarasuaat: +299 38 30 60

Attavigisigut

Ulloq unnuarlu angerlarsimaffimmi periarfissat paasiniarlugit attavigisigut

ATTAVISSAT

Sianerfigisigut

+299 38 30 60

Email

mia@mia.gl

Sumiiffik

Jens Kreutzmannip aqq. 3 st. th., 3900 Nuuk, Grønland

Scroll to Top